متن ترکی احوالات حضرت رقیه در خرابه شام + صحبت‌های حضرت رقیه با دختر یزید

بعد از تمام شدن جنگ بین سپاهیان یزید و امام حسین (ع) در صحرای کربلا و شهادت 72 تن از یاران بزرگوارشان، حضرت رقیه و بقیه زنان و بچه ها را به خرابه های شام بردند و آنها را شکنجه دادند. در ادامه مطلب متنی از احوالات حضرت رقیه در خرابه شام به ترکی نوشته شده است که می توانید آن را بخوانید.

متن ترکی احوالات حضرت رقیه در خرابه شام

احوالات حضرت رقیه با حضرت زینب

اولسون کَسیک بو باشین جانلار فداسی عمه

دیداریمه گلوبدور روحیم صفاسی عمّه

هرچند که خرابه آلدی اورک توانین

ویرمم بهشته ایندی ویرانه نین بیر آنین

صبح و مسا اورکدن عرشه یِتَن فغانین

فیض زیارت اولدی اَجر و بهاسی عمّه

یازدوم سرشکمیله دلداره غملی نامه

گلدی اودور نگاریم ویرانسرای شامه

مرغ دلیم یِتیشدی گر صُون نفسده کامه

چون گوش جانه یِتدی یارین صداسی عمّه

جبراً منی آیردی دلداریدن زمانه

هجران گَتیرمیشیدی بلبل کیمین فغانه

گوز یاشیمی اِئدردیم رخساریمه روانه

دیداره بلکه گَلسون غم آشناسی عمّه

حمد ایلرم خدایه یاری یِتیردی یاره

ای کاش اولمییدی لعل لبونده یاره

قان آغلیور بو یاره بولمم اِئدوم نه چاره

آرتوردی دلده نیسگیل تازه یاراسی عمّه

قوم دغا غریبه پیشواز اِئدوب قوناقدان

قان سیل تک رواندور دامانینه دوداقدان

واردور یری بو نیسگیل سالسون منی ایاقدان

بی انتها اولوبدور باشدا بلاسی عمّه

کرب و بلا چولونده باتموشدی قانه سوز یوخ

ویرمیشدلار اوچولده هم داش یاراسی هم اوخ

گر سایسالا سایلماز یاره دگوبدی چوخ چوخ

حتماً بو یاره نین وار بیر ماجراسی عمّه

بوسه یرین اِحاطه اِیلوب یوزه آخان قان

بو محنتی اورکده بولمه منه چوخ آسان

سِیلَم سرشکیمیله من بوسه گاهی الان

وورام دوباره بوسه چون وار صفاسی عمّه

ای کاش گورمییدیم بو غملی وضع و حالی

گویا دوشوب کسوفه گون تک بو مه جمالی

بولدوم نَدن اولوبدور رعنا قَدون هلالی

جسمون اَریتدی محنت قالدی نماسی عمّه

بولدوم نَدن گلردون صبح و مساء فغانه

گوز یاشیوی اِئدردون رخساریوه روانه

باغرین دونوب منیم تک ویرانسراده قانه

بیر دردیدور بو دردین یوخدور دواسی عمّه

بو درد عشقین اولسا هر کیمسه مبتلاسی

عشق اِیلیوب او عشقین جانیم اولا فداسی

محشر گونی اونون من اولام  گره گشاسی

چون عشق لم یزلدور وار حَق رضاسی عمّه

بیر عشقیدور بو عشقه عشق اِِیلرم ازلدن

شیرینیدور زبس که عشق خدا عسلدن

هیهات اَلیم اوزلسون بو عشق لم یزلدن

دنیا فنادی عشقین واردور بقاسی عمّه

عشقیم ز بس که یاره وار دلده بی نهایت

دریا کیمین اورکده موجه گلور محبت

دلده اولان بو عشقه اِیلر بو سوز دلالت

مدتدی اولموشام من غم مبتلاسی عمّه

دلده اولان بو عشقیم عشق شریعتیمدور

بو عشق اورکده شمع راه طریقتیمدی

صد مرحبا بو عشقه عشق حقیقتیمدی

بو واقعیتین یوخ، چون و چراسی عمّه

یوخ سوز که من به ظاهر دنیای بی وفاده

اولدوم اسیر اعدا قالدیم بیله خفاده

درک ایلدیم نگاری ساغرده قانلی باده

وار منده ده شهادت حال هواسی عمّه

دلده غمون (عتیقا) حاشا گله شماره

زایل اولار یِتیشسه اَل دامن نگاره

صدقیله نیّت اِیله یاز مطلعی دوباره

اولسون کَسیک بو باشین جانیم فداسی عمّه

حرف های دختر یزید و حضرت رقیه

ذکریم واریمدی دوده آل خلیلدن

ورد ایلرم که شاه ولی پیشوالیم

درگاه حقده صبح و مسا یاعلی دیوب

آهو مثال هو چکرم وا اخالیم

درویش خاکسارم و اولاد بوتراب

مولا کیمی صفاده نظر کیمیالیم

دم آلمیشام چو شاه نجف، وجه حقدن

وجهی بودور بو وجهیله من حق نمالیم

حق حق طایری کیمی ، حق حقدی زمزمم

حقدور نه قدر حق دیسم، حق مزالیم

گورسن بو کثرت ایچره منی، ایتمه کج خیال

دوز باخ که اهل وحدته عرفان عالیم

گر سلسلمدن ایستیه سن بیر متین دلیل

حبل المتین دین مبین، مقتدالیم

شاهددی گردنمده بو قید و بو سلسلم

لاقید اولماقیمدا علی مقتدالیم…

پیر طریقتیمدی حقیقتده عابدین

مرشد بی بیمدی، منده مرید وفالیم

کشکول گوزلریمدی، دو شاخمدی منتشاء

بازار شامی دور ایدرم لاابالیم

چلتاردور باشیمداکی گیسوی مشکفام

تاج تقربیمدی، شهنشه عیالیم

مضراب ناخونیله ووروب تار زلفیمه

گلم نوایه نی کیمی، چون نینوالیم

سوز و گداز و ناله و آهیله شامدن

سالام حجازه شور، که داود آلیم

یثربده ایلینده حسین کیمی شاهه ناز

سویلردیلر که دختر فخرالمعالیم

قوی راست سویلیم که حسینیم عراقده

مغلوب اولوب مخالفه، غم آشنالیم

آهنگ عشرتیمدی همایون مقامدن

هر چند خارج اولموشام اما نوالیم

چون معنی ایلیوب منی تجرید و حاشیه

گر منطقیم آچلسا عجب ماجرالیم

کافی مدارکیله اگر ایلسن نظر

بحرالمعارف صمد لایزالیم

حیدر بابامدی، شان و مناقبده منتخب

من مخزن رسولیده در خیالیم

قرآنه جامع اولدی بابام، منده حافظم

خارم نظرده گر چه گلستان صفالیم

کسر کلام حقده، فتح اولسا صورتیم

جزما یوزیمه ضم دی، عصمت حیالیم

چون ابجد وفانی منه ابجد اورگدوب

غم مکتبنده درسنه چوخ خوش غزالیم

درسیم روان اولوبدی گنه شمر دون، وورار

دامه سالوب خیال ایلیوب من ختالیم

شام اولدی شام شومدن آزاد اولانمادیم

حیرتده قالمیشام نجه باشی بلالیم

وقایای خرابه شام به ترکی

بلبل تاپوپ صولان گولونی نوحه باشلادی

بیرده مگر جهانه ایله نوحه گر گلر

خوشگلموسن دیدی بابا قربان اولوم سنه

هانسی قوناق گلنده بیله بی خبر گلر

ای بی خبر گلن قوناقیم یومما گوزلرون

باخ اشگیمه که گونه لریمدن سوز ر گلر

یردن دورانمورام دولانام قانلو باشوه

گلسون منه بلا باشوا هر قدر گلر

مدتدی بو خرابه ده نی تک نوالیام

ایله سیزلدرام سسیمه رهگذر گلر

چوخ با صفادی منز لیم هر چند فرشی یوخ

مهمان  سنون کیمی آقا اولسا سور گلر

آباد اولا ایوین که بگندون خرابه نی

بیله خرابیه فقط اهل نظر گلر

منزل به منزل آختارورام وصلوی سنون

مرغ دلیم سراغیوه هی دربدر گلر

اولسم کناره گیتمه  بابا رحم ایله منه

روحیم دالونجا هر یره گیسن دوشر گلر

سنسیز دیم که شمرین الندن نه چکمیشم

بیکس آدامسیزون باشنا گور نلر گلر

سیلی یری یوزومده یازوب  بو عبارتی

گون گورمین قیزین گونی گوندن بتر گلر

شامین او شاقلاریلا بابا انس تاپمیشام

بعضی گلنده الده منه گل بزر گلر

چوخ نا خوشام گر اذن ملاقات ویرسه لر

یولداشلاریم عیادتیمه صف چکر گلر

بو رسمیدور کیمین اوینه گیسه بیر قوناق

مهمان حضورینه تزه پالتار گیر گلر

عفو ایت منی بابا تزه پالتار تا پانمادیم

شرمنده لیقدان آننما هر لحظه تر گلر

اکثر گجه رباب انام یوخلادار منی

گوز یومجاقین منیم یو خوما صود امر گلر

گورم ایمکلیر عالم رویاده اصغریم

من سسلننده تز منه ساری گولر گلر