در این مطلب از سایت تریپ لند متن دعا و مناجات با خدا به زبان ترکی و متن دعای آخر مجلس ترکی را برای شما آماده کرده ایم. امیدواریم از این مطلب لذت ببرید.
بارالها نظر رحمتی بیزدن کسمه
باشیمیزدان توکولن نعمتی بیزدن کسمه
سلام دوستان انشاالله طاعات و عباداتون مورد قبول درگاه حق تعالی قرار بگیرد. فرارسیدن ماه شعبان را به یکایک شما عزیزان تبریک عرض می نمایم. در این مطلب متن دعا و مناجات با خدا به زبان ترکی را با شما دوستان به اشتراک می گذاریم که می توانید از آنها و در پایان مجالس دعا و مولودی استفاده نمایید.
متن دعا و مناجات با خدا به زبان ترکی
اهل هر قوم و قبیله ای که باشید، نمی توانید منکر انرژی نهفته در واژگان ترکی شوید بخصوص زمانیکه این واژگان در رابطه با راز و نیاز با پرودگار باشد. امیدوارم که از مطالعه این مطلب رضایت کافی داشته باشید و پیشنهاد می کنم که از مطلب دیگر همچون شعر ترکی امام زمان و دانلود مداحی ترکی که پیش از این در منتشر نمودیم بازدید نمایید.
متن زیبا دعای ترکی
یارب بو گون ایتدیم وفا اوز ایتدیقیم پیمانیمه
ویردیم رضا تیر جفا آلدیم یارالی جانیمه
باخدیم ازلکه عهدیمه ترک جهان ایتدیم بو گون
من یَشتری سوداسینون شرحین بیان ایتدیم بو گون
دشت بلانی قانیله باغ جنان ایتدیم بو گون
حتّی اوزومده لاله تک آخِر بویاندیم قانیمه
بیر بیله ساعت ای خدا بیر عمر ایلردیم سراغ
صد شکر اولدی قسمتیم اغیاریدن تاپدیم فراغ
زاغ و زاغن خالی اولوب اطرافیدن خلوتدی باغ
بلبل کیمی دل آچموشام راز دله جانانیمه
جسمیمده قانلی یاره لر نی تک گلوبدی نالیه
درک ایلدیم بو عالمی یتدیم مقام عالیه
گیسوی اکبر تک خدا پرتاب و چین پر غالیه
دوندردی چینه بو چولی باخ دسته ی ریحانیمه
دوغراندی بیر اکبر کیمی پیغمبره بنزر بالام
واردور یری اکبر دیوب عالملره شیون سالام
چون سن رضاسن یانمارام منده گرکدور کام آلام
باخدوقجا القان ایچره بو آهو صفت قربانیمه
سمّ ستوران ایلیوب پامال جسم قاسمی
قولسوز یخوب آتدان یره دشمن رشید عبّاسیمی
زینب گرکدور شامیده دوتسون منیمده یاسیمی
مسکن اولاندا گوشه ی ویرانه اول نالانیمه
ایستردیم اهل عالمه مفتوح اولا باب فرج
اتمام حجّت ایلدیم تا ایتمه سون افواج لَج
من سهلم، عبّاس ئولماقی افلاک قدّین ایتدی کج
ماه فلک افسوس ایدوب یاندی مه تابانیمه
من باخمارام اوغلوم ئولوب چوخدور ملال و محنتیم
قارداشسیزام آرتوب غمیم اولموش خمیده قامتیم
یارب تمام عمریدن خوشدور منه بو ساعتیم
عالملری ویرسن اگر اولماز عوض بو آنیمه
بیر ضعفیله شدّت یتوب بو گون گونون احراقینه
یر ایسّیسی ایلر اثر بو آتلارین دیرناقینه
امّا خوشام من دوشموشم کرب و بلا توپراقینه
آختارمارام بیر کولکه یر راحتدی بو یر جانیمه
غم ایتمرم یالقوزلیقا نه یار و نه یولداش قالوب
نه قارداش اوغلی نه اوغول نه مهربان قارداش قالوب
گلمز ندن شمر شقی گورمور مگر بو باش قالوب
امّا گلنده شمر دون زینبده گلسون یانیمه
هر نه گمانیم واریدی تقدیم ایتدیم من سنه
سنده بغیشله جدّیمون امّتلرین یارب منه
ویر بیر امان نامه اولار یتسون مقام ایمنه
سن قیل کرم اکرام ایدوم منده گلن مهمانیمه
ناگه حبیبه بیر ندا ایتدی او دم محبوبیدن
ای سویگلوم بو حالتون آلدی شکیب ایّوبیدن
میلون نه قدر اولسا جوان و پیر و زشت و خوبیدن
عفو ایلرم قویمام بیری قویسون قدم نیرانیمه
امّت غمینده ایمدیکه چوخ آه و زارون وار حسین
غم ایتمه عفو ایتدیم حسین چوخ اعتبارون وار حسین
هر بیر کسه ایتسن عطا ایت اختیارون وار حسین
محکوم حکم ایتدیم سنه سن حاکم اول رضوانیمه
بو کارگاهیمده اولان وار هر نه بیش و کم سنون
حور و مَلَک، عرض و فلک، حتّی تمام عالم سنون
آب فراتی ایستمه کوثر سنون زمزم سنون
بیرده دیمه اوچ گوندی سو دگموب لب عطشانیمه
ای نور عین فاطمه محبوب حیّ ذوالکرم
بیر لطف قیل ویرّم قسم قارداشون عبّاسه قسم
ایسته شِفا ویرسون خدا هر چاره‌دن بی‌چاره‌ام
دکترلر امّا گورمه سین عاجزلیوب درمانیمه
متن راز و نیاز با خدا به بان ترکی
بارالها نظر رحمتی بیزدن کسمه
باشیمیزدان توکولن نعمتی بیزدن کسمه
بار الها بیزی تیر غمه آماج ائلمه
عشق سائللرینی هئچ کسه محتاج ائلمه
ای خدا مهدی زهرایه بیزی یار ایله
بو عزاداری حسینی قبرینه زوّار ایله
ای خدا سینه زن عاشقلری بیمار ائلمه
هئچ زمان شیعه نی نامرده گرفتار ائلمه
ای خدا قفل غضب وُرما عنایت درینه
ثبت ائله آدیمیزی فاطمه نین دفترینه
دلده کی حاجتی حضّاری روا ایله خدا
هر کیمین دردی اگر واردی دوا ایله خدا
بارالها گئجه لر محرم راز ایله بیزی
آچ عبادت قاپوسین اهل نماز ایله بیزی
ای خدا حالیمیزی حالت عرفانی ائله
نور قرآنیله بو دللری نورانی ائله
ناامید ایلمه یارب سنی زهرای بتول
چک قلم معصیته توبه میزی ایله قبول
جان چیخان وقته خدایا بیزه امداد ایله
قبرین اول گجه سی روحیمیزی شاد ایله
بیزدن ئوز حجّتوی راضی ائله یا الله
آرادا فاطمه نی قاضی ائله یا الله
یتور ایمانیمیزی اهل ولا پایه سینه
بیزی محشر گونی جمع ایله حسین سایه سینه
ای خدا حالیمیزه مرحمتون شامل ائله
دانش دینه بیزی عالم ائله عامل ائله
شاعرین ،جان تاپار علمی عملیندن یا رب
دوت بوبحراندا « کلامینون » الیندن یارب
بهترین دعای سفره به زبان ترکی
الهی کرب و بلاده یاتانلار حرمتینه
حسین قانینه قانین قاتانلار حرمتینه
کنار نهریده قولسوز دوشن علمداره
مرام و مقصد حقه چاتانلار حرمتینه
وطندن آیری دوشن ایل قبیله دن آرالی
تمام اهلینی گوزدن آتانلار حرمتینه
باغشلا بیزلری آل علی محبتینه
عزیز فاطمه نین چکدیگی مصیبتینه
جگرلری توکولن طشته مجتبایه باغشلا
سوسوز باشی کسیلن شاه کربلایه باغشلا
یارالی سینه سینه خشک اولان دوداقلارینا
اوقان دولان گوزونه ذبح اولان قفا یه باغشلا
الی باشیندا گلیب قانلی مقتلی دولانان
اورگی قانه دونن بنت مرتضایه باغشلا
او خوردا نعشی قالان گونلرین قباقینده
حسن نشانه سینه ابن مجتبایه باغشلا
بوغازی تیر جفائیله اوخلانان بالایا
قماطی قانلی سوسوز خورداجا فدایه باغشلا
رضا قضایه ویریب طوسیده اولان مدفون
شهید زهر جفا حضرت رضایه باغشلا
اوزی قرادی «عرب زاده» نین خداوندا
شفیع روز جزا ختم انبیایه باغشلا
متن دعای ترکی برای آخر مجلس
ای خداوندِ رئوف و فرد و رحمان و رحیم
خلق ایدن ایجادی یوخدان ، قادر و حیّ و قدیم
لاشریک و لامکان و لایزال و لاینام
چاره ساز و دلنوازِ پیر و برنا ، خاصّ و عام
اعترافیم وار منیم بو خصوصیّاتده
عینِ معنا مثلِ صورت گوسترور مرآتده
بولموشم قادر هامی امرِ بِالاِطلاقه سنی
لطفوه چوخدور امیدیم ناامید ایتمه منی
بی نیازه کشف راز ایتسون گرک اهلِ نیاز
بی نیاز عالَمده کیمدور؟ کیمده وار بو امتیاز؟
هر بشر بو داریده محتاجِ مایحتاجدور
انبیا و اولیا و اوصیا محتاجدور
بی نیاز اوز ذاتِ پاکوندور سنون بی شک و رِیب
سنسن آگاهِ ضمایر ، عالِمِ اسرارِ غیب
منده مدّتدی دچارم چوخ فشار و زحمته
اوز فشاریمدور منی وادار ایدن بو جرئته
خاصّه قرآنِ مجیدونده ایدوبسن فتحِ باب
وار بئله بیر آیه سیزدن سسلماخ مندن جواب
هر کس اوز دردین گرک عرض ایلسون یارب سنه
وار علاوه بیر خصوصیّت بو بابتده منه
سؤیگلون شاه ِشهیدین آستانینده ایتم
چخ دیوب قؤوماز منی ، اولماز رضا گوزدن ایتم
سوز بیوک دوشدی بو سوزده وار بیر اوزگه داستان
رتبه چوخ عالی اولور گر یازسا کلبِ آستان
نیلیوم وقتیمده فرصت یوخ ، ولی چوخ ایسترم
عشقیمی بو عاشقانه کلمه لرده گوسترم
بلبل ِگلزارِ عشق نورِ عین ِحیدرم
باغِ عشقنده امیدیم وار گوزل گللّر دَرَم
چوخ امیدیم وار او نورِ چشمِ زهرای بتول
من دئدیم بیر ایت ، اوزی نوکرلیقا ایتسون قبول
گور او شاهون نوکری آیا روادور دهرده
نوکر اولسون گونده بیر شخصه بو غربت شهرده؟
گورمسون عالَمده خوش گون ، گولمسین هرگز یوزی
خاطری دردیله ، دایم اشگلیله دولسون گوزی
اول یگانه شاعرِ دانشورِ نیکو سیَر
جدّه سین ایلوب مخاطب بیر گوزل مصرع دییر
(مصرع از مرحوم حسینی سعدی زمان می باشد)
(یوخسا بو نوعی سووَر چرخ ِکهن یافاطمه
گورمسون خوش گون حسینی هر سووَن یافاطمه)
نچه مدّتدور دوشوب امر ِمعاشیم مشگله
صبر ایدردیم ضیقه، اصلا ایلمزدیم من گِله
لیک بعضی نکته لر وار صبری ایلر پایمال
صبری نه پامال ایدر، آنلار اونی اهلِ کمال
بیر نفر فرضاً اولا هر بیر علومه آشنا
حق سوزون ایللّه تکذیب، اولماسا اهلِ غِنا
سوز گینه چخدی کناره قالدی مطلب ناتمام
مقصده یول تاپماقا لازمدی سعی و اهتمام
کثرت ِجرم ِمعاصیدن داخی یوخدور یوزوم
عرضِ حاجت ایلیوم درگاهِ معبوده اوزوم
بوردا تنگ اولماز کُمیتِ فکره میدانِ وسیع
ایلرم درگاهینه بیر آبرومندی شفیع
حق یانندا آبروسی چوخدی، گئچگیندی سوزی
حق قبول ایلر سوزونی، اولماسا کم لطف اوزی
بو مقامین صاحبی کیمدی آدین آلسان خبر
دخت ِشاه اولیا، اُختِ شُبریله شَبَر
بانوی زهرا شیَم، مریم کنیز، عیسی’ غلام
صاحبِ شأن و شرف دارای عزّ و احترام
اسمِ مسعودی نجه مرسوم بر زینب اولوب
بی مسمّا اولمیوب ، واقعده زینِ اَب اولوب
زین، عرب لفظنده زینتدور، مراد ابدن آتا
بو خانملان تاپدی زینت اسمِ شاهِ لافتا
کشف اولا لازمدی اهلِ بزمه بو مطلب نجه
ویردی زینت اسمِ شیر داوره زینت نجه
دینِ حق بیر باغدور، خوش منظر و عالی فضا
باغبانیدی اونون هم مصطفی’ هم مرتضا
بیر زمان اولدی که آز قالدی سولا گلزارِ دین
قویمادی اما سولا بو ، رونقِ بازار ِدین
رونق ِبازار ِدین کیمدور آدین ایتسن سؤال
عرض قیلّام من ، بو شرطیلن نثار ائت اشگِ آل
وار گوزل بیر آدی امّا آدینون چوخ عاشقی
وار گوزل بیر قبری ، امّا قبرینون چوخ شائقی
آدینی ذکر ایلسم اشگیم آخار بی اختیار
قبرینی فکر ایلسم دلدن گیدر صبر و قرار
وصلینه یتسم غمِ هجرین فراموش ایلرم
قبرینه گیتسم دوشوب توپراقه کرنوش ایلرم
آدی اهلِ ذوق ایچون دار ِبقایه توشه وار
تربتی خاکِ شفادور ، مرقدی ششگوشه وار
آدی قبریندن بولوندی (شانیا ) گچ مطلبه
شرح ویر بیرده شئوناتِ جنابِ زینبه
ویردی گر گلزارِ دینه خونِ شاهِ دین صفا
بو خانمدا ایتدی اوز عهدینده بیر عالی وفا
او شهید اولماقدا اسلامین اوجالدوب بیرقین
بو اسیر اولماقدا گوردی دینِ حقّین رونقین
او شهید اولدی مخالف شرّینه ایتدی علاج
بو اسیر اولدی ویروب احکامِ قرآنه رواج
او سویَردی قانیله الوان اولا گل پیکری
بو سویردی قوللاری ، کتفی اولا نیلوفری
او سووب چیخسون جِدا باشندا سِیره باشیله
بو سووب اولسون او یولدا همسفر قارداشیله
او سویردی خیمه گاه و شوکتی تاراج اولا
بو سویردی کوفه ده تیرِ غمه آماج اولا
او سویردی بزمِ شرب شامده گورسون اوزون
بو سویردی خیزران ظلمون گوروب یومسون گوزون
او نماز ِظهر قیلدی چاک چاک اعضائیله
بو نمازِ شب قیلاردی هر گیجه ایذائیله
نه نماز شب؟ نجه سجده نجه راز و نیاز
نه عبودیّت نجه طاعت نجه عالی نماز
بو عبودیّت فقط بیر زینبه زیبنده دی
حشره دین بو بنده لیقدان بنده لر شرمنده دی
سیّد ِسجاد اوزی نقل ایلوری بو مطلبی
بیر گیجه ویرانسراده گوردوم عمّم زینبی
نصفِ شبده بی نیازیله ایدور راز و نیاز
حالِ ضعفیله قیلور اگلشدیقی یرده نماز
یا دوزلمیر بار ِمحنتدن خمیده قامتی
یا که وار ضعفِ قواسی یوخ قیامه طاقتی
سِرّین استفسار ایتدیم مطلبین ، علیا جناب –
گوزلرین دولدوردی اشکیله بیله ویردی جواب
من پرستارِ یتیمانم بو واضحدور سنه
تاپشوروب قارداشیم اطفالین وداعنده منه
آتموشام باشدان اودور هر حالیده اوز غصّه می
ویرّم اطفاله غذا سهمیّه سنده حِصّه می
شدّتِ جوع ، آلموش الدن قوّهء جسمی تمام
بو سببدن قالمیوبدور منده یارای قیام
مقصدیم بوردا دگل کیفیّتِ ویرانسرا
شرکتِ زینب گرکدور کاملا” اثبات اولا
او آلوب آغوشه قبر ایچره علی اکبری
بو ایدوب همراه اوزینه لیلیِ غم پروری
او آلوب اطرافه یتمیش بیر نفر نیکو سرشت
بو یغوبدور باشه هشتاد اوچ خواتینِ بهشت
او یاتیردوب سینه سینده اصغری لایلای دیَر
بو ربابین ناله سینه سس چکوب ایوای دیر
او کنارِ نهر علقمده قویوب بیر پاسبان
بو دیارِ کوفه ده کلثومه اولموش همزبان
او گیدنده تاپشوروب زینُ العبایه عترتین
بو اولوب سجّاده هر یرده طرفدار و معین
او جدا باشندا چخدی گردشه خورشیدوار
بو سنق محملده اولدی راهِ شامه رهسپار
او تلاوت ایتدی شهر ِکوفه ده کهف آیه سین
بو ایشیتدی نیزه اوسته قارداشین دلکش سسین
او ویروب قرآن سسیله زینبه رمزاً صدا
بو سسین آلجاق دئدی ای نطقوه روحیم فدا
خوش سسون کسمه قولاقیمدن باجون قربان سنه
صوتِ قرآنون جداده قوّتِ دلدور منه
ای هلالِ یک شبه ، انگشت نمای مرد و زن
دوتقون آی اطرافینه گوز یاشین انجم تک دوزن
چون هلالِ نو گورور بو اهلِ کوفه قاشیوی
بیر بیرینه گوسترور نوکِ جداده باشیوی
خامه دن فریاد ایشتدیم من ، کیم آنلار مطلبی
کیم بولر کیفیّت حالِ جنابِ زینبی
گور نه حالتده گورور قارداش باشین بو بینوا
گه هلاله اوخشادور ، گه نیزده دوتقون آیا
آخرینده هر آئین غایب اولور آی اوچ گجه
رؤیتِ رأسِ حسینده آی کیمی دوشدی گجه
یعنی اولموشدی او باشدا اهلِ بیتیندن جُدا
کوفه ده اولدی قمر تک مرکزی نوکِ جِدا
غفلتا” گوردی جِدا اوسته باجی قارداشینی
بو سببدن اوخشادوب تازه هلاله باشینی
گوز یاشی قویماز بو گوز گورسون او غمناک عالَمی
دیدهء دلده مجسّم قیل او شورِ اعظمی
خرمنِ ماهه باخوب آختارما پروین خوشه سی
آی خسوفه دوشسه گورسنمز مگر بیر گوشه سی
زینبون منظوریده شاید بودور اوزگه دگول
شه جمالین بیر دوتولموش آی کیمی دوتموشدی کول
گورما قا قارداش جمالین ایتدی هر قدر اهتمام
گوردی بیر ذرّه نمایاندور ، دگل مرئی تمام
تار ایدوب بیر منخسف آی تک او بدرِ کاملی
چولقیوب یولّار توزی ، قان پرده سی ، مطبخ کولی
باجی فکر ایتدی مبادا قارداشی دلتنگ اولا
بولدی لازم مهربان قارداشیله همرنگ اولا
نیلدی؟ واضح بیانِ حاله یوخ دلده توان
گوردولر جاری اولور قان ، چوبِ محملدن روان
بو وفاده باجی قارداش گورمیوب چشمِ جهان
(شأنی) ختم ائت ، برقِ خامه آز قالور اولسون جهان
اوچ نفر زوّارِ سلطانِ سریرِ ارتضا
نوکرِ شاهِ شهیدان ، زایرِ قبرِ رضا
بیر رحیم ، ایکی حسین ، بانی اولوب بو طلبه
هر کیمین وار مشگلی ، ایتسون توسّل زینبه.
